Hekk kif l-Ewropa għaddejja mit-trasformazzjonijiet ekoloġiċi u diġitali tagħha, l-edukazzjoni u t-taħriġ vokazzjonali (VET) ta’ kwalità għolja huma kruċjali biex jiġi żgurat li n-nies ikollhom il-ħiliet it-tajba għall-impjiegi tal-lum u ta’ għada. Ir-Rakkomandazzjoni tal-Kunsill dwar il-VET għall-kompetittività sostenibbli, il-ġustizzja soċjali u r-reżiljenza, adottata f’Novembru 2020, tistabbilixxi l-viżjoni komprensiva u l-objettivi strateġiċi tal-UE għall-futur tal-VET. Dan il-fuljett jiddeskrivi din il-viżjoni u l-importanza tar-riformi tal-VET fil-livell nazzjonali, inklużi prinċipji u azzjonijiet ewlenin li jappoġġaw dawn ir-riformi. Jagħti ħarsa wkoll lejn l-inizjattivi tal-UE li jwittu t-triq u jipprovdu l-assistenza disponibbli għall-Istati Membri f’dan il-qasam.

Disponibbli f'